१५ वैशाख, काठमाडौं । बढ्दो शोधनान्तर घाटासहितका बाह्य क्षेत्रमा संकटका बीचमा पनि चालु आर्थिक वर्ष २०७८/७९ मा आर्थिक वृद्धि बढ्ने अनुमान सार्वजनिक भएको छ । आयात उच्च दरमा बढिरहँदा वैदेशिक मुद्राको सञ्चितिमा परेको दबाबले आर्थिक वृद्धि बिथोल्ने अनुमानहरुका बीच केन्द्रीय तथ्याङ्क विभागले चालु आर्थिक वर्षमा ५.८४ प्रतिशतको आर्थिक वृद्धि हुने प्रक्षेपण गरेको हो । यो वृद्धिदर सरकारले प्रक्षेपण गरेको ७ प्रतिशतभन्दा  १.१६ प्रतिशतले कम हो ।

गत आर्थिक वर्ष २०७७/७८मा ३.८३ प्रतिशत आर्थिक वृद्धि हासिल हुने संशोधित अनुमान गर्दै विभागले चालु आर्थिक वर्षमा यस्तो वृद्धिदर त्यो भन्दा बढ्ने अनुमान गरेको हो । आर्थिक वर्ष २०७६/७७मा आर्थिक वृद्धिदर ऋणात्मक हुँदै -२.४२ प्रतिशतमा झरेको थियो ।

https://unelma.io/wS1dV