डिजिटल वालेट नमस्ते पेमा नयाँ सुविधा थपिएको छ । यसअन्तर्गत प्रयोगकर्ताले नमस्ते पे वालेटमा 'स्प्लिट बिल' (split bill)को सुविधा प्रयोग गर्न सक्नेछन् । कम्पनीका अनुसार एन्ड्रोइड र आईओएस दुवै प्रयोगकर्ताका लागि यो सेवाको फाइदा लिन सक्नेछन् ।

''साथीभाइ र आफन्तसँग खाजा खाँदा होस् या शपिङ जाँदा, नमस्ते पेको यो सेवा सहज रूपमा प्रयोग गर्न सकिन्छ,'' कम्पनीले जारी गरेको विज्ञप्तिमा भनिएको छ । साथै क्यूआर मार्फत मर्चेन्ट भुक्तानी गर्दा पनि यो सुविधा लिन सकिने कम्पनीले जनाएको छ ।