४३ बर्ष बितेछ | कुरो हो २०३० साल पुस १ गतेको | रिजल्ट हुने दिन | आठ कक्षाको बार्षिक परीक्षा | तीन सेक्सन | " को फस्ट होला ?" सबैको जिज्ञाशा | हेडसरले खास खास नतिजा सुनाउने चलन | " यो साल ७४९/९०० अंक ल्याई धनराज गिरी स्कूल फस्ट भएका छन् " आम्मै ! अबीर अबीर ! पूरै रातो भएर एउटा गरिबको छोरो " बिलगेट सम्मान " बोकेर घर आयो |" चाईन्जोकेरे , अब यो घनटाउकेले गोरु जोत्नुपर्छ ,घाँस काट्नुपर्छ भन्थेउ नि ,देखेउ ? त्यसै भीख मागेर पनि छोरो पढ़ाउँछु भने...

कहाँ हो ?कहाँ हो ? म जाने कहाँ हो ?
यहाँ हो उहा हो न जाने कहाँ हो !!!!!!!
गए धेर मान्छे न फर्केर आए
कता हो कता हो कहाँ पो हराए
न तेरो न मेरो न काका न मामा
न छोरा न छोरी न बाबा न आमा
धरामा रहेका अनेकौं पियारा
छ रे जानु एक्लै न साथी सहारा
रमाएर हाँस्ने रमाएर बाच्ने
रमाएर साथी दुई काल नाच्ने
अनौठो कथा यो अहो जिन्दगानी
नचाएर नाच्ने न हो जिन्दगानी
थुपारेर धेरै उही अन्न पानी
धनी भो धरामा कठै जिन्दगानी
छ यो लोभ बैरी हटाएर बाँचौं
सखे दुश्मनी त्यो घटाएर बाँचौं
चमेली र बेली बनोस् जिन्दगानी
स्वयम् मार्ग आफ्नो खनोस् जिन्दगानी
बनौँ जून जस्तै बनौँ घाम जस्तै
उही श्याम जस्तै उनै राम जस्तै
न लेखौं निराशा न देखौं मलामी
न भोगौं गुलामी न खोजौं सलामी
बनी आज मान्छे म बाँचौं धरामा
झुलाएर बाला यहाको गरामा
उनै शारदाको गरौँ अर्चना रे
सुनौलो सुधाझैँ गरौँ सिर्जना रे
छ यो स्वप्न मेरो बनौँ कस्तुरीझैँ
रची मित्र घेरो बजौं बाँसुरीझैं !!