Loveletter [ Valentine Special ]

के नामले सम्बोधन गरु तिमिलाइ प्यारि भनुभने प्यार बसिसकेको छैन । मायालु भनुभने त्यो मनले यो मनलाई माया गर्छ या गर्दैन थाहा छैन तर तिम्रो निम्ति यो मनमा अथाहा माया लुकेकोछ जुन कुनै शब्दमा व्यक्त हुदैन न त देखाउन कुनै दृश्य बनी देखिन्छ नै । यदि तिमिलाइ गरेको माया कुनै शब्दमा ब्यक्त हुन्थ्यो त पढ्ने थियौ तिमिले तिम्रा निम्ति रचेका मैले अनगिन्ती ठुला ठुला महाकाब्यहरु । यदि यो मनले त्यो मनलाइ गरेको माया देखाउन मिल्ने भए देखाइदिन्थे मैले पनि हनुमानसरी छाती चिरेर तिम्रो लागि तर यो माया भन्ने चिज अदृश्य भएकोले आज तिम्रो सामु मेरो माया व्यक्त गर्न साह्रै गाह्रो भैरहेकोछ । खै कति माया गर्छु भनु म ? कति तौल ? कति लम्बाई ? , कति चौडाइ ? , कति उचाइ ? कति गहिरो माया गर्छु भनु म तिमिलाइ ? मसित यसको कुनै उत्तर छैन । यदि तिमी मलाइ कति माया गर्छौ भनेर सोद्छौ भने तिम्रो सामु शिर झुकाउन भाहेक म केही गर्न सक्दिन किनकि माया जोखेर जोखिने चिज होइन यो त मनले मनलाइ बुझ्ने चिज हो तर यति अवस्य भन्न सक्छुकी जति माया एक आमाले आफ्नी सन्तानलाइ गर्छिन त्यो भन्दा बेसि माया गर्छु ,एउटा गरिबको सपना भन्दा ठूलो माया गर्छु ,तिम्रो आखाको गहिराई भन्दा गहिरो माया गर्छु , मानव इतिहास भन्दा लामो माया गर्छु , यो पृथ्वीको चौडाइ भन्दा फरकिलो माया गर्छु अनि यो सौर्यमन्डल भन्दा पुरानो माया गर्छु ।

म भन्दिन म तिम्रो लाएकको छु भनेर साएद तिम्ले सोचेको जस्तो केटो म नहोला तिमिले खोजेको जस्तो मेरो सरिरको बनावट नहोला तर के संसारमा अनुहार भन्दा ठूलो व्यबहार हैन र ? अनुहारले प्रेम चलेला तर व्यबहार बिना कुनै कथा सम्पन्न हुन सम्भब छैन त्यसैले मेरो ब्यक्तितब भन्दा व्यबहार बुझेनेछौ भन्ने आस गरेकोछु । थाहा छैन आजभोली आफैलाइ बिर्सेर किन तिमिलाइ यतिधेरै सम्झिरहन्छु । मेरा आखाहरु तिमिलाइनै दर्शन गर्न खोजिरहन्छ , मेरा कानहरु तिम्रो बोली सुन्न आत्तिरहन्छ , मेरा हाथहरु तिम्रै कोमल आउला समाउन लालाहित छन , मेरा गोडाहरु तिमीसित सयर गर्न आत्तुर रहेकाछ्न , मेरो नाकले तिम्रै सरिरको अत्तर चाख्न खोजिरहन्छ , मेरो मन हरबखत तिम्रै बारे सोचिरहन्छ मेरा अङ्ग अङ्गले मात्र नभई मेरो सम्पुर्ण सरिरले तिमिलाइनै चाहन्छ ।

जब देखे थिए तिमिलाइ कलेजको दायाँ तर्फको भित्तामा हो ! त्यहि दिनदेखि मेरो बायाँ तर्फमा रहेको एउटा सानो मुटु तिम्रैलागि धड्किन थाल्यो हरपल पलपल । रातकि रानी सपनिले पनि सारा दृश्य छोडेर तिम्रै चलचित्र सपनाभरी देखाइदिन थालेकोछ । तिमी सधै आउछौ आजभोली मेरो स्वप्न नगरिमा म तिमिलाइ फुलै फुलको फरियामा सजाएर , इन्द्रेणीको घुम्टो ओढाएर क्षितिजपारी मेरो बादलको सिंहहासनमा मेरि रानी बनाएको देख्छु तर जब बिहान हुन्छ ओछ्यानमा आफ्नै शरीर मात्र पाउछु तिमी गैसकेकी हुन्छौ त्यो सुर्यको किरणसितै । आज त पक्कै मनको कुरा भन्छु भनेर कहि नभएको आट मनमा ल्याएर तिम्रो सामु प्रकट हुन्छु पनि तर खै किन हो जब तिम्लाइ देख्छु घोकेर राखेको मेरो शब्दकोश खाली भैजान्छु । चिहाएर हेर्दा पनि कुनै शब्द भेट्दिन । म मौन हुन्छु बरु उल्टै चट्याङझै काप्न थाल्छु,भुइचालो सरि हल्लिन थाल्छु । तिमि कुनै भयानक जीव हैनौ डराउनलाइ तर तिमि त्यस्ति युवति हौ जुन मेरो कल्पना भन्दा माथिको कुरो हो । साएद यस धर्तिमा तिमी माथीबाटै आएकी हौ कुनै अपसरा अथवा कुनै परि !

म सानो छदा खेरी मेरि आमाले भन्नुहुन्थ्यो परिहरु आकस्मा मात्र भेटिन्छन रे तर आज एउटि परि धर्तिमापनी देख्दैछु हो...म तिमिलाइ । खै कुन्नी के जादु छ तिमिमा जब देख्छु पागाल भैजान्छु सोच्छु तिमीनै हौ बर्सौदेखि तपस्यमा मागेको सहयात्री , तिमिनै हौ यो मनले रोजेको साथी । तिमी आफै सोचेर महसुस गरन ! आजको दिनमा अरु कोहि भन्दा किन हामि नजिक छौ ? किन यस्तो आभास हुन्छ तिमी मेरि हौ ? किन मेरो मनले तिमिलाइनै चाहन्छ ? किन तिमिलाइ भेट्न नपाउदा मेरा खुट्टा भन्दा ज्यादा मेरा आखाहरु तिम्रो बाटो तर्फ दौडदछ ? के यो संकेत अनि यो चमत्कार हामिलाइ एक बनाउन बाटो हैन र ? के यो लक्षण दैबले हाम्रो लागि लेखेको प्रेमकहानि हैन र ? अब त लाग्छ तिमी मेरो सास बराबरको खास हौ त्यसैले तिम्रो मनमा पनि मेरो मायाको बीउ छर्केर हेर अनि थाहा पाउनेछौ म कति तिमिलाइ चाहन्छु भनेर ।

यदि फुल दिनु माया हो भने तिम्रो नामको बगैँचा बनाउनेछु , यदि उपहार दिनु माया हो भने यो ज्यान तिम्रै लागि बन्धकि राख्नेछु । म हैसियत भन्दा ठूलो कुरो गर्दिन जे जति गर्छु बोलेको गर्छु यदि मेरो जिवनमा तिमी आउछौ भने रङाइदिनेछु तिम्रा उजाड भएका सपनाहरुलाइ । मैले मेरो राम्रो पक्ष मात्र सुनाएर तिमिलाइ आकर्षित पार्न खोजेको हैन । हरेक प्राणीसित एउटा कम्जोर र नराम्रो पक्ष हुन्छ नै तेसैले तिमी मेरि हुन्छौ भने कम्जोर पनि बलियो बन्छ , नराम्रो पनि राम्रो हुन्छ त्यसैले ए ! मेरि हुनेवालि प्रेमिका तिमी एकफेर दन्ते लहर खोलेर मुस्कुराइदिए पुग्छ जिन्दगी रहे सम्म तिम्रो मुस्कानको चौकिदार गर्नेछु , तिम्रो जवानिको पालनपोसन गर्नेछु । मलाइ सम्झेर तिमी १ पाइला मात्र चालेहुन्छ बाकी ९९ पाइला मै चालुला हाम्रो प्रेमकथालाइ अमर बनाउन । सुख दिन नसकेपनी खुसी हरेक क्षणमा दिनेछु तिमिलाइ । यो पत्रलाइ सुइकारेर मेरो हाथ थामिदेउ कसम छ तिमिलाइ यो जुनि त के हजारजुनि सम्मै तिमीसङ्गै बित्नेछ यो जिवन । बुढेसकालको न्यानो याम्मा गुन्द्रीमा बसेर तिम्रो फुलेको कपाल स्यार्ने मौका दिनेछौ भन्ने बिसवास लिएकोछु ।
तिम्रो हुनेवाला राजा
- अनिल चौधरी