जय श्रीमन्नारायण,, YouTube channel मा जनै पूर्णिमा ,रक्षा बन्धन तथा क्वटि खाने दिनको विशेष भिडियो रिलिज भएको छ। हेर्न नभुल्नु होला like,च्यानल subscribe गर्नु होला। साथै प्रतिकृया पनि दिनु होला है। please,, ‘येन बद्धो बली राजा दानवेन्द्रो महाबलः । तेन त्वां प्रतिबध्नामि रक्षे मा चल मा चल ।।’ link: https://youtu.be/7fVoD1r7fFA

जय श्रीमन्नारायण,, YouTube channel मा जनै पूर्णिमा ,रक्षा बन्धन तथा क्वटि खाने दिनको विशेष भिडियो रिलिज भएको छ। हेर्न नभुल्नु होला like,च्यानल subscribe गर्नु होला। साथै प्रतिकृया पनि दिनु होला है। please,, ‘येन बद्धो बली राजा दानवेन्द्रो महाबलः । तेन त्वां प्रतिबध्नामि रक्षे मा चल मा चल ।।’ link: https://youtu.be/7fVoD1r7fFA

धरान: वीपी कोइराला स्वास्थ्य विज्ञान प्रतिष्ठानमा विरामीहरुले शल्यचिकित्सा सेवा लिन ५ महिनासम्म प्रतिक्षा गर्नुपर्ने दयनीय अवस्था रहेको छ । शुक्रबार सार्वजनिक गरिएको महालेखाको ५८ औं बार्षिक प्रतिवेदनले प्रतिष्ठानमा अप्रेशन कक्ष, दक्ष जनशक्ति र उपकरणलगायतको समस्या देखाएर विरामीले सेवा लिन लामो समय प्रतिक्षा गर्नुपरेको देखिएको औल्याइएको छ । शल्यचिकित्सातर्फ नाक, कान, घाँटी, न्युरो सर्जरी, डेन्टल सर्जरी र ग्याष्टोलोजीमा १ महिनासम्म विरामीले पर्खनुपरेको छ भने जनरल सर्जरीमा डेढ महिना, स्त्री तथा प्रसुतीमा २ महिना, आर्थोपेडिकमा ३ महिना र पेडियाट्रिकमा ५ महिना विरामीले प्रतिक्षा गर्नुपरेको प्रतिवेदनमा उल्लेख छ । ‘अस्पतालको सेवालाई प्रभावकारी बनाई लामो समयसम्म प्रतिक्षा गर्नुपर्ने अवस्थाको अन्त्य गर्नुपर्छ,’प्रतिवेदनमा भनिएको छ । प्रतिष्ठानमा आर्थिक बर्ष २०७५/७६ मा ८ लाख १४ हजारले सेवा लिएका थिए भने आर्थिक बर्ष २०७६/७७ मा ५ लाख ४७ हजारको संख्यामा बहिरंग तथा अन्तरंग सेवा पाएका छन् । यस्तै, खरिद भएको मेशिन उपकरणहरुको समयमा मर्मत सम्भार गरि सेवा प्रवाह प्रभावकारी बनाउन पनि महालेखाले सुझाव दिएको छ । प्रतिष्ठानमा रहेको ९ करोड ७२ हजारमा खरिद गरेको फोटो थेरापी, सीटी स्क्यान, भेन्टिलेटर, सिरिञ्ज पम्पलगायतका १९ उपकरण तथा मेशिनहरु चालु अवस्थामा नरहेको पनि महालेखाको प्रतिवेदनले औल्याएको छ । यसले सेवा प्रवाहमा प्रभाव परेको र खरिद खर्च पनि उपलब्धीविहिन भएको प्रतिवेदनमा उल्लेख छ । आन्तरिक आम्दानीले मात्र प्रशासनिक खर्चसमेत व्यवस्थापन गर्न कठिनआन्तरिक आम्दानीले मात्र प्रशासनिक खर्चसमेत व्यवस्थापन गर्न कठिन रहेको महालेखा परीक्षकको प्रतिवेदनले औल्याएको छ । प्रतिष्ठानमा आय वृद्धि गर्ने तथा खर्चमा मितव्ययिता कायम गर्नेतर्फ ध्यान दिन पनि सुझाएको छ । आर्थिक बर्ष २०७६/७७ मा प्रतिष्ठानलाई संघीय सरकारबाट ७७ करोड ४२ लाख र प्रदेश सरकारबाट १२ लाख अनुदान आएको थियो । प्रतिष्ठानको आन्तरिक स्रोतबाट १ अर्ब ९३ करोड ८४ लाखसमेत गरी उक्त बर्ष २ अर्ब ७१ करोड ३८ लाख आय भएको थियो । त्यसमध्ये प्रीतष्ठानले २ अर्ब ४२ करोड ३९ लाख खर्च गरेको र २८ करोड ९९ लाख बचत गरेको देखिएको महालेखाको प्रतिवेदनमा उल्लेख छ । साथै, प्रतिष्ठानको आन्तरिक आयभन्दा ४८ करोड ५५ लाख बढी खर्च भएको छ । प्रतिष्ठानको कुल खर्चमध्ये तलब भत्ता तथा ज्यालामा आर्थिक बर्ष २०७४/७५ मा ६८.२३, आर्थिक बर्ष २०७५/७६ मा ६२.०८ र २०७६/७७ मा ७४.५८ प्रतिशत खर्च भएको छ । आर्थिक बर्ष २०७६/७७ मा पुँजीगत खर्च २९ करोड ४२ रहेको छ, जुन कुल खर्चको १२.१३ प्रतिशत हो ।